📍گانوں میں کہےجانے والے کفریہ اشعار📍

السلام علیکم ورحمتہ اللہ وبرکاتہ
گانوں ميں کہے جانے والے کفریہ اشعار
 درج ذیل اشعار کہنے، سننے اور اس کو صحیح کہنے والے کا کیا حکم ہے
برائے مہربانی جواب عنایت فرمائیں 
(1)حسینوں کو آتے ہیں کیا کیا بہانے خدا بھی نہ جانے ہم کیسے جانیں (2)خدا بھی جب زمیں پر آسماں سے دیکھتا ہوگا مرے محبوب کو کس نے بنایا، سوچتا ہوگا
 (3) رب نے بھی مجھ پہ کیا ستم کیا ہے سارے جہاں کا غم مجھے دے دیا ہے (4) رنگ تیرا دیکھ کر روپ تیرا دیکھ کر قدرت بھی حیران ہے (5)کتنا حسیں چہرا کتنی پیار ی آنکھیں۔۔۔ قدرت نے بنایا ہوگا فرصت سے تجھے میرے یار
ـــــــــــــــــــــــــــ ❄ 🌺 🍥 ـــــــــــــــــــــــــ
وعلیکم السلام و رحمۃ اللہ و برکاتہ
الجواب بعون الملك الوهاب
📩صورت مسئولہ میں جتنے اشعار سوال میں درج کیے گیے ہیں سب میں کوئی نہ کوئی کفر صریح ہے۔ جو لوگ ان اشعار کو پڑھتے ہیں وہ سب کے سب اسلام سے خارج ہوکر کافر ومرتد ہوگئے، ان کے تمام نیک اعمال ضائع ہوگئے، ان کی بیویاں نکاح سے نکل گئیں اور ان پر فرض ہے کہ فوراً بلا تاخیر ان اشعار میں جو کفریات ہیں ان سے توبہ کریں کلمہ پڑھ کر پھر سے مسلمان ہوں اور اپنی بیویوں سے دوبارہ نکاح کریں۔ اسی طرح جس نے ان اشعار کو سنا اور پسند بھی کیا تووہ بھی کافر ہوگیا۔ اور ایسے اشعار جس CD وغیرہ میں موجود ہیں ان کی خریدوفروخت حرام ہے اور ان کو شیئر کرنا بھی حرام اشد حرام ہے۔
 📚 فتاوى شارح بخاری،عقائد ذات باری تعالی، ج1،ص 257

📿حدیث پاک میں آتا ہے 📿

📃الغناء ينبت النفاق فی القلب کما ينبت الماء الزرع.

(📚مشکوة شريف بحواله مسلم شريف)

📌گانا دل میں نفاق پیدا کرتا ہے جیسا کہ پانی سبزہ اگاتا ہے۔

📜سیدنا ابن عمر رضی اللہ عنہما جب گانے کی آواز سنتے تو دونوں انگلیوں کو کانوں میں ڈال لیتے یہاں تک کہ دور چلے جاتے۔ پھر پوچھتے کہ آواز آرہی ہے، جب بتایا جاتا کہ نہیں تو انگلیوں کو نکالتے اور فرماتے اس طرح حضور اکرم صلی اللہ علیہ وآلہ وسلم کرتے تھے۔

(📚 رواه احمد و ابو داؤد بحواله مشکوة شريف)

🏷ان فضول چیزوں سے بچنا چاہیے، اس کی بجائے حمد و نعت سنا کریں اس سے ثواب بھی ملتا ہے اور راحت اطمینان قلب بھی اور محبت میں بھی اضافے کا باعث ہیں۔
واللہ و رسولہ اعلم بالصواب
ـــــــــــــــــــــــــــ ❄ 🌺 🍥 ـــــــــــــــــــــــــ
✍🏻کـــتــبــہ مـــعــیـــن الـــدیــــن
 الأزھــــــری نـــــئ دہلــــی
📱6203980319
ـــــــــــــــــــــــــــ ❄ 🌺 🍥 ـــــــــــــــــــــــــ